gropalkhuwair.roo7.com
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



 
الرئيسيةاليوميةمكتبة الصورس .و .جالتسجيلدخول

(( ربنا اتنا ف الدنيا حسنه وفي الاخره حسنه وقنا عذاب النار ))

قانون سيتم سحب الاشراف على المشرفون اللذين يهملون الاشراف على المنتدى واللذين لايدخلون المنتدى فتره طويله

مبروووك صعود نادي اتحــاد كلبــاء لدوري المحـترفينـ

** تم سحب الأشراف عن (( BO_7MOOD_17 )) بسبب تغيبه المتواصل عن المنتدى لفتره طويله **

$$ تم افتتاح قسم الخوير التجاري للبيع والشراء في المنتدى $$ 

@@ سيتم أعطاءالاوسمه لافضل الاعضاء @@

ببالغ الحزن والآسى تلقينا نبأ وفاة الشيخ مبارك بن محمد بن خليفه آل نهيان

شاطر | 
 

 قصة حب ومعاناة محمد من الواقع (( أحبج أخر كلمة قلتها ))

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بريء وطاهر وص
خوير جديد
خوير جديد


عدد المساهمات : 25
تاريخ التسجيل : 31/10/2008


مُساهمةموضوع: قصة حب ومعاناة محمد من الواقع (( أحبج أخر كلمة قلتها ))   31/10/2008, 7:41 am



قصة حب ومعاناة محمد من الواقع (( أحبج أخر كلمة قلتها ))


الجزء الأول

محمد بن العلي ولد شاب كويتي عمره 20 ولد عايلة من العوايل اللي بالكويت ، شعره أسوود كثيف حريري ناعم

طويل شويه ،عيوونه كستنائية غامجة ، لونة حنطاوي ، سبورتي أكييد لأنه لاعب كرة قدم مشهور ومحترف

بالمنتخب الكويتي ، حواجبة محددين حلووين ، ملامحة عربية أصيلة ، طوويل ومجسم وجسمة متناسق مع

عضلاته ، طالب بجامعة الكويت كلية الآدااب ، حلمة يصير لاعب محترف عااالمي ويأخذ كاس البطولة بالعالم ،

مو مرتبطة لأنه مالقى حب حياااتة ماحس انه هالحب موجود كاان إيمانه وااايد ضعيف من هالناحية ناحية الحب

الحب بالنسبة له شي كبير بس اللي يشوفه بالواقع ماكو حب كلة كلام ولعب وخراابيط وهو كااان يدور على

الحب بس ويييين هالحب ويينه اللي للحين ماللقاه.


بالمباراة >>>>>

المذيع : لحد الحيييين الفريقيين متعادليين والمنافسة قوووية يلا ياكويتي شد حييلك ورفع راس ديرتك وأهلها

ويلا ياقطري شد حييلك بعد ورفع راااسك ديرتك ...... محمد يتقدم للمرمي ويتقدم بيشوت الكرة يبيقووول بس

يقاطعة الاعب القطري سعد وياخذ الكرة منه .... يدش خالد الكويتي على سعد ويقطع الكرة يمررها حق علي

علي يتقدم ويوجهه الكرة حق محمد ومحمد بحماااس ولهفة وحركة سريعة يتخطى الاعبيين

والعرق ينزل من جبينه ويبلل ملابسة و محمد يوصل حق المرمي وبأخر 3 دقااايق من انتهاء المباراة .... محمد

....محمد يشوووت الكرة ... الكرة تتجه صوب المرمي والحارس القطري عبدالله واقف يبي يصدها يت صوب

الحارس قفز الحارس جهه اليسارة بس الكرة وينها ؟؟؟ وين راحت !! وين إختفت ؟؟؟؟؟؟ الكرة صوب اليمين

راااحت دشت بالملعب و قووووووووووووووووووووووووووووووووووووووووووووووووو وووووول

قووووووووووووووووووول ولا أحلى من هالقووووووووووووول محمد أحرز الفووووز رفع راس

الكوووويت أتغلب على المنتخب القطري انقووولك هااارد لك يالمنتخب الكويتي وقووود لك ياالكويتي محمد هذا

محمد هذا الاعب الخطيييير الاعب الكويتي المحترف احرز الهدف في الدقااايق الأخيرة من مبارات محمد

اهو ا النجم ....محمد ..........محمد......................



وطبعااا شال الفريق محمد والكل قااام يهتف بإسمة وقاموواا الجمهور ايقولون أزرق أزرق أزرق ويغنوون

، شال محمد كااس الفوز وقام الجمهور ايغني وايقول هذا الكاس يلمع والعيون تدمع وعين حمود كانت اتدمع

من الفرحة والوناااسة شلووون مايستاانس واهوا رفع راس الكويت وأهلها وصوروا محمد عسااس يحطون
صورة بالجرايد اللي راح تشهد بفوزة وانتصارها وصوروا ايضاا الفريق وحصوله على الكاس الخليجي واللي

تطلب جهد وتعب عشان يوصل له ، ومثل كل لاعب فصخ تي شيرته وقطاه عالجمهووور عااد شوفوا الجمهور

شسوا إتطاققوا اتكافخوا ماندري لووول .



في بيت بن العلي ((بيت محمد ))

محمد وصل البيت والأهل كانوا منتظرينة ....

فطوووم : هياااااا اخوووي فااااز اخوووي فااااز .


فاطمة أخت محمد طالبة بالثانوية عمرها 17 سنة ، حلوة شعرها اسود طويل لي ظهرها ناعم عيونها خضر

وارثتها من أمها وطولها عااادي وجسمها ضعيف حلوووو وبيضة هم وارثة هاللون من الوالدة هادية بس مرات

إلسانها يصيير أطويل ودلووووعة العايله لأنها البنت الوحيدة


ام محمد : مبرووووك الفوز حبيبي يلا نبيك ديما جذي شايلنا .

محمد : افا يمااه الحين لييش فزت شايلكم نسيتني مشكووورة يمه.

ام محمد : يبختي فييك يوليدي انته دايمن رافع الراس .

حمود مستنانس :ايي هذي امي اللي اعرفها وهذي بوسة من ولدج هههههههه.

ام محمد :ههههههههههههههههههههههههه

محمد مستانس وشافته فطوم قاعدة امها تمدحة جدامها جان اتغار: واااااااي بدت ملاغة حمودوو اروح داري

ابرك لي .

محمد يتحرش فيها : روحي دارج و مووووتي حره ((يعيب عليها)) لوووووووووووول.

فطوووم معصبة : قطع جبح هالويه .

ام محمد معصبة على فاطمة : يلا عااد احترمي نفسج هذا اخوج الكبيره مايصير اتكلمينه بهالطريقة والله

انج ماتستحين .

اصعدت فاطمة غرفتها ولا ايي لها حمود ايراضيها وايقولها جم نكته ويخليها تبتسم ، بعد اخوان لازم يتهاوشون

بس قلوبهم عند بعض ، وحطت راسها فطوووم ونااامت عشان باجر في سكوول .

ابو محمد توه واصل : كفو يا ولد ابوك رفعت راسي وراس امك وراس الكويت وماخيبت ظنوننا فيك يبة.

محمد باس راس ابوه وحده مستانس: مشكور يبه ماتقصر ((بثقالة )).

ابو محمد :إلا أقول ويين وليدووو !!! ماشوفه!!

محمد : أي والله يمه وينه الساعه 12 وربع !!

ولييد توه واصل البيت ويتكلم بالإنجليزي:hi dad hi mom hi brother أو نسيت مبروووك الفوووز حمود.

وليد اخووو محمد وفطوم عمرها 15 سنه مرااااهق شيطان حياته كلها قززز وهياته مع الربع شعره اسود عيونه

بنيه غامجة طويل كسلان بالمدرسة مايحب الدراسة شخصيته مايله للغة الأجنبية .

محمد : الله يبارك فييك وين كنت!!!

ابو محمد : انا رايح انام

ام محمد موجه الكلام حق وليد : انته وينك لي هالساعة ماوراح مدرسة؟؟

ولييد : لأ وراي ظهري وجدامي امي هههههههههههههه.

محمد : ملغهاااااااااااا ، يلا يمه تصبحين علخير

ام محمد : وانته من اهله بيكهام ههههههههههه.

محمد : هههههههههههه الله يسمع منج .

ام محمد مسكت وليد من اذونه : ان مره ثانيه اتأخرت عن البيت وفي مدارس اقول حق ابوك يحرمك من

المصروف فهمت.

وليد : ايييييييييييييي فهمنااااا يلا يماا انا برووح انام تصبحين ع خير

ام محمد : وانته من أهلة


وكل اللي بالبييت راح بدل هدومه ولبس ملابس النوم و حطوا راسهم ونااااموا .



الساعة 4 الفير تليفووون محمد ايرن ايرن فوووق ال3 مرااات جان يصحى محمد من التليفون ويرد عليه .

محمد بصوت ثقيل توه قاعد من النوم : ألووووووووووو

الصوووت الناعم : هلااا بحمووودي

محمد : نعـــــــــــــــــــــم !!!!!!!!!!!!!

الصوت الناعم : شفيه بن العلي متعجب ادري قعدت من النوم حبيبي بس ,,,

قاطعها محمد: عفواااااااااااااااااااااااااااااااااا منو حظرتج وشدراج بسمي وبإسم عايلتي .؟؟؟؟؟؟؟؟



منووو هالصوووت الحلووو اللي داق الساعة 4 الفير ؟؟؟ وشنو يبي من محمد ..؟؟؟؟ منو تكووون هذي

مع انه محمد ماعنده سوالف خرااابيط !!!!!!!!!!!!!!!!!!!



تمت نهاية الجزء الأول


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بريء وطاهر وص
خوير جديد
خوير جديد


عدد المساهمات : 25
تاريخ التسجيل : 31/10/2008


مُساهمةموضوع: رد: قصة حب ومعاناة محمد من الواقع (( أحبج أخر كلمة قلتها ))   31/10/2008, 7:44 am


((الجزء الثاني .))



الصوووت الناعم : هلااا بحمووودي

محمد : نعـــــــــــــــــــــم !!!!!!!!!!!!!

الصوت الناعم : شفيه بن العلي متعجب ادري قعدتك من النوم حبيبي بس ,,,

قاطعها محمد: عفواااااااااااااااااااااااااااااااااا منو حظرتج وشدراج بسمي وبإسم عايلتي .؟؟؟؟؟؟؟؟

الصوت الناعم : وليش في احد مايعرفك حمود!!

محمد: وليـــــــه بتقولين اشتبين ولا لأ؟

الصوت الناعم : حمود انا الصراحة أحبك وماتصدق اني اموت فييك حتى اني معلقة صورتك بغرفتي والله محمد

انا من اشد معجبينك

قاطعها محمد بكل برود : وشالمطلوب يعني؟؟؟

الصوت الناعم : اقولك احبك ابيك اتقول شالمطلوب!!!

محمد : تبين الصج الشرهه علي اللي لحد الحين ماصكيت التليفون ابويهج ولا تدرين شلون يلا باي .


وصك التليفون ابويهاا وكلم نومته (( طبعا اهوا للمره الثالثة يغير رقمة والسبب كثره المعجبات اللي يدقون عليه

ويأذونه .....



الصبح الساعه 7 ونص وفاطمة تحاول انها تقعد امحمد من النوم .....

فاطمة : حمووود قووم عفية يلااا اتأخرت عالمدرسة .

محمد بعصبية : اوووهوووو طلعي بره بنااااااااااااااااااااااام .

فاطمة : يلاااا قووووم خلصنا

محمد : والله يافطيم ان ماطلعتي بره لأراويج الحين .

ام محمد سمعتهم جاان تيي لهم معصبه : انتوااا شفيكم من الصبح اصريخ !!!

فاطمة ودمعتها على خدها : يماااا شوفيه عندي امتحان واهو للحين نايم مايقوم

محمد قعد بفراشه فاتح عيونه بالغصب : يعني شلوون معاج قولي حق ابوي ايوديج

ام محمد : وليش ابوها انت شنو ماتبي تروح الدوام اليوم ؟؟
محمد : لأأأأأ مالي خلق.

ام محمد : يسلام عليك قوووم بدل خلصنا قط اختك مدرستها ورد كمل نومتك.

محمد : اوووووووف((وقاعد بفراشه )).

ام محمد واقفه فوق راسه لمن ماقام من الفراش


طبعا قام محمد لبس بنطروون برموده بيج من GAP وتي شيرت سبورتي عليه

كلام وراح ركب سيارته الفراري اللي كان لونها أصفر واللي كان مكتوب عليها من

ورا بالشوارفسكي ((بن العلي )) وأخته كانت بالسيارة ناطرته مبوزه .


محمد : نزلي بوزج .

فاطمة:.........

محمد يتحرش فيها : نزلي بوزج قلنا .

فاطمة متنرفزة : حمود ترا أتأخرت خلصنا امشي وعن هالسخافة

محمد : انجييين

وصلت فاطمة المدرسة وطبعا محمد نزل معها لأنها متأخره عن المدرسة ، حاط

محمد مرينا اف ام بالراديو وقاعد يسمع أغاني ولا يدق عليه ارفيجة خالد .


خالد : انته وييييييييييينك !!!!

محمد : انزين قول السلام صباح الخير شي

خالد : السلام وينك؟؟؟

محمد : راد البيت

خالد : والجامعة !! منته ياي

محمد : مالي خلق ايي اليوم

خالد : والتقرير ماراح اتسلمه للدكتور

محمد : اووووووووووووو نسيت كاني الحين اروح البيت اييبه

صك محمد التليفون و رجع البيت وراح ابسرعه خذا كتبة وتقريره اللي لازم ايسلمة

اليوم ، وراااح على طول الجامعة و دش عند الدكتور سلماه التقرير وطلع قعد مع

ارفيجة خالد اللي بالمنتخب الكويتي .



بالجامعة >>>>>>>>


خالدد: اشفيها اخلاقك ضاربة اليوم !!


جان يقوله سالفه الصوت الناعم اللي صارت له أمس


خالد وهو يضحك: هههههههههههههههههه بعد البنية معجبه

محمد متنرفز : فكنا زين لوعوا جبدي هالمعجبات.

خالد يتطنز على محمد : انزين جاان عطيتها رقمي

محمد : انت تكفااا بسك بنااات خلاص ماكو بنت بالديرة ماتعرفت عليها

خالد :هههههههههههههههههههههه

خالد ومحمد قاعدين يسولفون جان اتمر بنت حلوه رافعة شعرها بشباطة وردية

ولابسة تنورة بيضة فيها ورودصغيره لونها وردي وجبنيز ابيض في كتبة ، هالبنت

إلفتت نظر محمد جان يقعد ايطالعها يتأمل فيها ، البنت طالعته لان حست في احد

قاعد ايطالعها ، حطت عينها بعين محمد جان يبتسم محمد بس البنت مشت ومحمد

ايطالعا وهي ماكانت معبرته ولا معطيته أي اهتمام فضاق خلقة .


خالد : هي انته وين رحت !!

محمد يتكلم عادي : مارحت مكان .

خالد: علينااا

محمد : خلوووود تكفه اسكت واللي يرحم والدينك

خالد يطفر محمد : إييي هااا حب من اول نظرة .

محمد : لأأأأ

خالد : علينا بو جاسم

محمد : اوهووو

خالد يطفر محمد : يبا إعترف انا صديقك الصدوق

محمد بدون أي مبالاة : اقوول انا بمشي

خالد : ويين !!

محمد : بروح البيت

خالد: شدعووووة عشان الحب زعلت

محمد :إنته شتخربط؟؟ فطوم اختي الحين بتطلع من المدرسة يلا فمان الله

خالد وهو يضحك : فمااان الله ياعاشق

محمد ركب السيارة وهو يفكر بهذي اللي شافها حس انه في شي داخله تحرك قعد

يكلم روحة شنو يعني انا حبيت لأ لأ مستحيل هذا مو حب... اصلا بهالزمن مافي

حب كله خرابيط وحجي ..وصل محمد مدرسة اخته وخذاها وبعد ربع ساعه وصلوا

البيت من زحمة الطريج .



في البيت >>>>>>>>>>>>>>


ام محمد : يلا يمه روحوا غيروا ثيابكم على ماحط الغدا .

محمد وفاطمة : إنشالله يمه


عاااد وليد توه راد من باص المدرسة وطبعا كان بمدرسة انقليزية خاصة (( الخلييج )) ودش البيت..

وليد : hi mom , where is the dinner iam so hungry ((قوه يمه وين الغدا انا حدي يوعان))

ام محمد : انت اول بدل ملابسك قبل لاتسئل عن الغدا .

وليد : ooooh I want 2 eat now then I will go 2 my room 2 change ma cloth
)) اوووو اول باكل بعدين راح اروح ابدل ملابسي ))

ام محمد : كيفك عيل خيس بملابسك

ابو محمد توه نازل من غرفته : حطيتي الغدا ام محمد؟

ام محمد : قاعده احطة زوجي العزيز

ابو محمد اينادي إعيالة: محمد فاطمة يلا تعالو الغدا

محمد+فاطمة : انشالله يبا

ابو محمد : يلا قولوا بسم الله

وقعدواا يتغدوووون ......



بطرف ثاااني >>>>>>>> بيت علي

علي ولد خالة محمد بن العلي ورفيجة ، عمره 19 سنه ، اشقر طويل أبيض عيونه زرق ملامحة أجنبية ،

سبورتي ، إيحب وحده إسمها حنان وناوي يخطبها عن قريب يدرس بجامعة Gust إدراة أعمال عشان يساعد

أبوه بالشركة... أبوه مليونيير يعني أهمه أغنياء وعندهم شايليهن واحد بأنجفة والثاني بخيران ومزرعة بالوفرة

وبيتهم بضاحية عبدالله السالم ، يعني كل شي متوفر له ومو ناقصة شي وهو وحيد أمة وأبوه .


علي قاعد بالغرفة إيكلم حبيبتة : مشتاااق لج

حنان : انا بعد حبيبي

علي : شكثر

حنان مستحية : .......

علي : اشفيهم اللي مستحون

حنان وهي مستحية : مافيني شي بس احبك

علي : قولي والله تحبيني

حنان : والله

علي : والله شنو

حنان : والله إني أحبك

علي :واااااااااااااااي فديتها والله

حنان مستحية : بس علووي أحجرتني

علي : هم فديييتها

ولا اتدش ام علي عليه وتقولة يمه صك التليفون وتعال الصالة بحاجيييك بسالفة مهمة

علي : انشالله يمة

علي : حياااتي انا شوي ودق عليج

حنان : انشالله حبيبي بيباي

علي : باي حياتي

علي راح الصالة وقعد عند امة ..

علي : خير يمة صاير شي .....

ام علي : شوف يمه انا .................




بطرف ثاني >>>>>>>>>>>> بغرفة محمد

مخ محمد طووول الوقت مشغووول مع البنت اللي شافها مو قادر ينساها مو قادر ينسى الجمال ، لقى حبه

إي لقى حبه اللي يدوره من زمان ، بس وااايد اتضايق لمن شاف هالبنت ماعطته ويهه ولا عبرتة قعد ايفكر

ليش ما عبرتني انا شنو فيني وخذاه مخه لبعييييد ومن كثر التفكير حط راسة ونام بدون لا يحس بروحة.



بغرفتة وليييد الأغاني الإنقليزية مسوية ضجة بالبيت طبعا وليد كان قاعد يسمع rock وحاط

أغانيMARILYN MANSON وقااعد أيغني وايصرخ معااه جان ادش امه وأخته .


أمه : انته وبعدين معاك قصر على هالضجة الحين اتقعد ابوك من النوم .

وليد : يعني الواحد مايسمع اغاني

فاطمة : والله في إختراع اسمه سماعات حطها بأذونك واسمع براحتك

وليد : وانتي شكوووو مابي

امه: شوف ان ماقصرت علأغاني لأخذ اشرطك كلهم اقطهم بالزبالة

فاطمة تعيب عليييه : أي والله ماماتي بعد كسري المسجلة فوق راسه

وليد : انا اواريج عيوز النار

جان يركض وليد ورا فاطمة يبي يطقها جان بسرعه تنحاش اتروح الغرفة وتقفل باب غرفتها .


بيت علي >>>>>>>

ام علي : وهذي السالفة ياوليدي

على : يماا انتي شتقوولييين!!! حرام عليج وأنا شنو !!! شنو بيصير فيني !!!!!!!


شنو اللي قالته ام علي حق ولدها ؟؟؟؟؟؟؟؟ وليش إتضااايق !!!!!

محمد وقع بحبها !!! ولا بس جذي مجرد انجذاب ؟؟؟

كل هذا راح اتعرفونه بالجزء الثالث


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بريء وطاهر وص
خوير جديد
خوير جديد


عدد المساهمات : 25
تاريخ التسجيل : 31/10/2008


مُساهمةموضوع: رد: قصة حب ومعاناة محمد من الواقع (( أحبج أخر كلمة قلتها ))   31/10/2008, 7:47 am


الجزء الثالث >>>>>>>


بيت علي >>>>>>>

ام علي : وهذي السالفة ياوليدي

على : يماا انتي شتقوولييين!!! حرام عليج وأنا شنو !!! شنو بيصير فيني !!!!!!!

ام علي: إنته صرت ريال وتقدر تعتمد على روحك

علي : يما انا ريال بس عمري 19 محتاجج يمي

أم علي قاطعتها : انته ياعلي

قاطعها علي :يمه شنو بيقولون الناس عنا شلون بقعد مع ربعي شلووون !!!

امي تبي تتطلق وانا عمري 19 امي تبي تهدم بيتنا يما تكفيين فكري فيني فكري فبيتنا

انتي المفرووض تمنعين هالشي مو تتهربين لاتصيرين ضعيفة يمه لاتخلين وحدة تاخذ

مكانج عشاااني يمه فكري عشاني عشاااني

ام علي : والله ياوليدي عشانج اسوي كل شي بس ماقدر أظل مع أبوك وهو بياخذ وحده فوقي

علي : يمه مستحيييل ابوي ايسويها مستحيل انا راح امنعه ماراح اخليه وانتي عشاني فكري عدل

فكري عشان ولدج الوحيد .

ام علي وهي تبجي : انشالله يمه انا بفكر عشانك

علي باس راس امه ودق على ابوه .

علي: قوه يبه

ابو علي : الله يقويك ابوي

علي ساكت : ..............

ابو علي : ها يبة شنو بغيت

علي : يبه في موضوع محتاج اكلمك فيه

ابو علي : ها يبه أمر قوول شنو تبي ؟؟

علي ساكت :...................

ابو علي : إي فهمت خلاص جم تبي ؟

علي : يبه انا مابي فلووس

ابو علي: عيل شنو تبي

علي : متى بترجع البيت

ابو علي : الساعة 10 انشالله

علي : ماتقدر ابجر

ابو علي : والله ياوليدي بمر الدوانية اقعد مع الربع شوي

علي : خلاص يبه الساعه 10 ناطرك

ابو على : يلا فمان الله

علي : فمان الله

وصكر التليفون وقلبه يحرقة وكااان متضايق وااااااااايد مايدري شسوي بس قاااعد يفكر بأهله وبعايلته شنو راح

إيصير فيها............




فبيت خااالد >>>>>>>>>>>> رفيج محمد

خالد كبر محمد ارفيجة ، حلوووو وااايد حنطاوي بس لونه شوي فاتح يعني افتح من محمد ، جسمة ضعيف بس

ومو طويل طولة عادي ، سبورتي لاعب كرة قدم ، شعرة اسود اموج اشوي ، مغازلجي وحريش بالبنات درجة

أولى ، يحب يغاامر وماتهمه نتائج أفعالة ماعنده حبيبة محددة لأنه ايكلم 4 بنات وكلهم قاص عليهم ، طالب

بجامعة الكويت كلية الآداب.




روان قاعدة بالصالة مع زوجها وامها وابوها وخواتها العنود وطيف واخوهم الصغير عبدالله .

روان بنت عادية عمرها 21 متزوجة اسم زوجها حسن وحامل منه بالشهر ال2 وتوهم رادين

من اسكوتلندا معطينها عطلة لأنها إتكمل دراستها بره إهيا وريلها .

خالد : ويييه ويييه الدكاترة هني

رواان : بسك تحرش خلودووو تعال سلم علينا .

خالد : قوه ام خلووود شلوونج.
روان : ام خلووود أي خير الحمدلله انت شلونك شمسوي.

خالد : شنو إي خير عيل انشاالله شنو بتسمين ولدج؟

حسن زوج روان إتدخل : بنسميه يوسف .

خالد : وييييييييع إتييب أسمي حق هذا .

حسن : هههههههههههههههه

العنود : عشتواااا

روان :ههههههههههههههه


خالد: عشتوا بعينك يم إلسان

ام خالد : قعدوا عاد عن الشطانة.

أم خالد : ويي وييي وييي طيفووو روحي يبي عبوود لايكسر الزجاج .

طيف : إنشالله يمه .

عبووود صغيروون البيت عمره سنتين لاتشوفونه خدوده امتان ايننون .



من طرف ثاااني >>>>>>>>>


محمد قعد من النوم ومسك كشكول الجامعة وفتحاه ومسك القلم وقاعد يكتب شعر لأول مره بحياته حتى ماكان

يعرف ايعبر عدل وشق الورقة أكثر من مره وهو يحاول يوصل يكتب شعر عدل بس هذا اللي طلع منه:

شفتها مثل الملاك شفتها ::::: شفت الجمال والله مافي مثلها

شفت البنت وشزينها :::: هذي البنت من زمان ناطرها أنا

شفت العيون وياليت ماشفتها :::: كنها تقول اني انا مو لها


جان يدخل عليه أخوه وليد ويقاطع جوه الرومانسي .

وليد : حمود أبي فلووس

محمد : وليش شايفني قاعد على بنك روح أطلب من ابوي

وليد : يعني ماراح تعطيني

محمد : جم تبي
وليد وهو يغمز بعينة : يعني جم يستاهل اخوك العزيز

محمد : هاااك 20 وقلب ويهك

وليد : والله إني بطوفها لك عشااان عطيتني فلوس

محمد بينه وبين نفسة والله هالمراهق مو صاحي .

طلع ولييد من غرفة محمد وماصكر الباب جان ينسدح محمد على بطنة ويمسك كشكولة والقلم ويقعد ايكمل

الشعر ، دخلت فاطمة الغرفة شوي شوي بدون لايحس محمد وكانت لابسة نفنوف برتغالي ومسويه غنقوصتين ،

عاد محمد ماسك القلم ويقول بصوت واطي صدفة مريت وعيوني ... نطت فاطمة تقوم عيونك منو ((تتحرش

بخوها)).

محمد معصب : انتي من سمح لج اتدشين داري؟؟؟

فاطمة بدلع : افااا انااا من سمح لي زين حمود زين مشكور وماتقصر ((بتطلع من الغرفة ))

محمد: تعالي شنو بغيتي

فاطمة تسوي روحها زعلانه : مابغيت شي

محمد : خلصينا شبغيتي؟

فاطمة بنبرة حزينة : كان ضايق خلقي وبقعد مع اخوي بس الظاهر اخوي مو كفو

محمد : والله انج ماتستحين على ويهج يلا برااا برااا

فاطمة : مشكور وماتقصر ....صدفة مريت وعيوني ههههههههه

محمد عصب ركض وراها بيطقها ولا يطلع ابو محمد

ابو محمد : شفيك يبه تركض ورا اختك؟؟

محمد : لا يبه مافي شي

فاطمة تتدلع : يباااه شوفة يبي يطقني

ابو محمد : ليش بتطقها ؟؟؟ شمسويه اختك

محمد : مو مسويه شي

فاطمة إتطفر أخوها :أقووووووووول هاااا اقووووول

محمد يأشر لها ايقول قولي عشان اقطع لج ارقبتج.

فاطمة : يباه انا خذيت شحن تليفونه وهو يدوره ولا يلقا عندي ولا يعصب ويلحقني بيطقني عشان شحنه

ابو محمد : عيب ياوليدي اشفيها اذا خذت شحنك

محمد : لا يبه مافيها شي



بطرف ثاااني >>>>>>>> بالنادي

راح محمد النادي علشان يتدرب حق المباراة الياية وإلتقى بخالد ويابوا طاري علي ولد خاله محمد.


محمد : أقول إلا عليوي وينه مادق علي اليوم ولا شفته ولا شي

خالد : والله مادري عنه الحين ادق عليه

علي : قوه خلود

خالد : يقووويك إلا اقول انته شفيك اليوم مو مبين

على : مافيني شي شوي تعبان

خالد :عسى ماشر

علي : الشر مايجييك

خالد : يعني منته ياي اليوم

علي : أي والله ماني ياي

محمد : عطني بكلمة

خالد : محمد بيحاجيك

علي : اوكي

محمد: سلام

علي : وعليكم السلام

محمد : هااا يعني مانبي نشوف ويهك الخايس اليوم هههههههههههه

علي ساكت ماله خلق يضحك :....................

محمد حس علي في شي : عليوي فيك شي

علي: لا الحمدلله بس اشوي تعبان

محمد : عيل رووح حط راسك ونام

علي : لا بقعد شوي

المدرب : شبااااب يلا تدرييييب

محمد : يلا المدرب قاعد اينادينا

علي: اوكي خلاص روح وقوله اني ماقدر ايي اليوم

محمد : إنشالله


المدرب : يلا نبدي بالتمارين



إبييت علي >>>>>>>>>>>

علي بينه وبين روحة ، ليش انا يصير فيني جذي ليش أبوي بيتزوج علي أمي ,,,,أمي شفيها شحلاتها أمي ولا

عمرها قصرت معاه او معاي ،،، ابوي شنو ناقصة شنوووووو عنده ولد وعنده مره وعنده بيوت وعمارت

وفلووس ليش يطمع ليش يبي مره ثانيه فوق أمي ....... الله كريم ماقول إلا الله كريم ،،،، قاطع تفكيره تليفون من

حبه حياته عمره ((حنان)).

حنان : علاو حبيبي شفيك طولت علي

علي وهو متضايق:.....................

حنان : حبيبي شفيك خرعتني ؟؟؟

علي بنبرة حزن : ماعاش من خرعج

حنان: علاو متضايق

علي في بجية بس ماسك روحة : تقدرين تطلعين الحين ابي اشوفج

حنان : انشالله حبيبي بس بروح استأذن من أمي

علي: ناطرج قلبي

حنان : اوكي حبي باي

علي باي



وستأذنت حنا ن من أمها قالت لها بتروح اشوي الجمعية بتشتري شغلة وبتيي وسمحت لها امها تروووح


عالبحر>>>>>>>>>>>>>


علي كان ناطر حبيبتة تييي وقلبة كان يحترق من داااخل بس ظل قوي ، وصلت حنان عنده جان يمسك إيدينها

ويحضنها ، ولما حظنها إرتاح بس ماقدر ايقولها الشي اللي مضايقة وقال سبب ضيقة إنه مشتاق لها.

حنان: علي

علي: هلا قلبي

حنان : أنا إتأخرت لازم امشي

علي : خلاص قلبي

وودعوا بعض وعلي مشا ورا سيارة حبيبته لي ماوصلت البيت وتطمن وبعدين رد البيت ينطر ابوه.


بالملعب>>>>>>>>>

المدرب: خلاص انتهى التدريب تقدرون تمشون الحين

راحوا اللاعبين ايبدلون ملابسهم وكل واحد راح حق بيتهم



بغرفة محمد>>>>>>>

لأأأأأأأأأأأ خلاص انا ماقدر استحمل جذي ..... أنا حبيتها من قلبي ...أبيها ماقدر أبيها ...لازم باجر أصارحها

لازم اقولها اني احبها ..... وحط محمد راسة ونام


الساعة 10 وربع ابيت علي>>>>>>>>>>>>>>

ابو علي رجع من الدوانية وقعد مع ولده ويسئلة عن الموضوع اللي يبية فية .

علي : يبة صج اللي سمعته

ابو علي : شنو سمعت يبه!!

علي: أنك بتتزوج على أمي

ابو علي : والشرع حلل أربع

على بصدمة وانفعال : شتقول يبة من صجك.

ابو علي: إي من صجي
علي: وأمي شفيييييييهاااااا

ابو علي : مافيها شي بس امك صارت اكبيرة وانا ابي وحدة صغيره اعيش معاها حياتي

علي معصب ويصارخ : وامييييييييييي شفيهاااااااااااااااااااااااااااا

ابو علي معصب : قلنالك ماافيها شي وانا ابوك لاتقعد اتصارخ اتكلم كلام رياييل

علي : يبه انت ماراح تتزوج ماكووو زواااااااااااج

الو علي معصب: انته هيييي انته منو اللي قاعد اتكلمني جذي ((جان ايطق علي طرق على ويهه ))

علي: شفت يبه هذا الطراق والله عمري ماراح انساااه وانا اقولك مستحيييل اواافق عليها مستحيل


ويطلع علي من البيت متضااايق ويروووح البحر ويقعد يبجي وليش مايبجي مو أهوا بشر ولا لأنه ريال مايبجي

بس همن الريال عنده مشاعر واحساااس ويبقي علي طول اليوم سهران وقاعد عالبحر.....



اليوم الثاااني ..........

الجامعة >>>>>>>>> الساعة 2 الظهر

محمد يدور البنت اللي حبها قلبة بس مالقااهاا ، ويقعد يدور يدور بس بدوون فايدة ، ارفيجة خالد شافاه بهالحال

جان يسئلة ....

خالد : حمود شفيييك اليوم؟؟

محمد : مافيني شي بس مضيع واحد

خالد : وااااحد منو هالواحد !!!

محمد : واحد متفق معاه عالواجب

خالد : اها

محمد : بس الظاهر اليوم مو ياي

خالد : الظاهر جذي يلا انا بروح البيت

محمد: عيل انشوفك على خير باي

خالد : باي


قعد محمد ينطر هذي البنت اللي يحبها ، وكل دقيقة تيله معجبة تطلب توقيعه ويوقع لها ، مل محمد من كثر ما

ينطرها ويدورها جان يقول الظاهر اليوم ماراح اشوفها عيل خلروح البيت أحسن بطريجة وهو رايح سيارته

الفراري ولا ............................... يركب سيارتة ويشغلها بسرعة !!!!



شنو السبب اللي خله محمد يركب سيارتة بسرعة ويشغلها!!!!!!!

وشنو راح يصير على موضوع علي وابوه ؟؟؟ هل أم علي راح تتطلق !!!!


تمت نهاية الجزء الثالث


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حكومة الخوير
مدير عام
مدير عام


ذكر
عدد المساهمات : 2422
العمر : 26
الموقع : http://gropalkhuwair.3arabiyate.net
العمل/الترفيه : جامعي
المزاج : كروي
نقاط التميز : اعلى رتبه
1
أعلام الدول :
تاريخ التسجيل : 25/10/2008




مُساهمةموضوع: رد: قصة حب ومعاناة محمد من الواقع (( أحبج أخر كلمة قلتها ))   31/10/2008, 7:05 pm

مشكووووور على القصه

ماشالله طويله


ماتحرمنا من يديدك الغالي


ثانكس clown
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://gropalkhuwair.3arabiyate.net
الوحداني
خوير جديد
خوير جديد


ذكر
عدد المساهمات : 49
العمر : 26
الموقع : http://www.alshmwaband.com/
العمل/الترفيه : طالب
المزاج : بوهنوووووووووووود
تاريخ التسجيل : 01/11/2008


مُساهمةموضوع: رد: قصة حب ومعاناة محمد من الواقع (( أحبج أخر كلمة قلتها ))   1/11/2008, 8:13 am

مشكووووووووووووووور علي القصه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.alshmwaband.com/vb/index.php
بريء وطاهر وص
خوير جديد
خوير جديد


عدد المساهمات : 25
تاريخ التسجيل : 31/10/2008


مُساهمةموضوع: رد: قصة حب ومعاناة محمد من الواقع (( أحبج أخر كلمة قلتها ))   2/11/2008, 6:11 pm

العفووووووى حبايب قلبي لاشكر على واجب يا حبايبي وتستاهلون نخلي المنتدى يحلى أكثر من هاذه الحلاء

وشكراً على إلي مرو على الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
BO_7MOOD_17
خوير ذهبي لامع
خوير ذهبي لامع


ذكر
عدد المساهمات : 849
العمر : 26
الموقع : قــطـــر
العمل/الترفيه : بــطــالـــي
المزاج : دربي خضر
أعلام الدول :
تاريخ التسجيل : 26/10/2008


مُساهمةموضوع: رد: قصة حب ومعاناة محمد من الواقع (( أحبج أخر كلمة قلتها ))   17/11/2008, 3:56 am

مشكــــــــــــــور

الف
الف
الف
الف
الف
وتسعين
وخمسين
وعشره
وثنين
شكر
على الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://gropalkhuwair.3arabiyate.net/profile.forum?mode=editprofi
 
قصة حب ومعاناة محمد من الواقع (( أحبج أخر كلمة قلتها ))
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
gropalkhuwair.roo7.com :: قروب الخوير الادب و التراث :: الخوير للقصص-
انتقل الى: